منورنا يا اهلا وسهلا بك في منتدى كلية الرافدين الجامعة  {زائر}. نرحب بل عضو الجديد سوما سمير


 
الرئيسيةاليوميةس .و .جبحـثالأعضاءالمجموعاتالتسجيلدخول
اهلاً و سهلاً بكم في منتديات كلية الرافدين الجامعة
اضغط على دخول للدخول الى علبة الدردشة
مطلوب مشرفين على المنتديات

شاطر | 
 

 صوتك ندهني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
slayershs
معاون العميد
معاون العميد


عدد المساهمات : 29
تاريخ التسجيل : 28/01/2010
العمر : 27

مُساهمةموضوع: صوتك ندهني   الإثنين فبراير 01, 2010 12:51 pm

صوتـك

صوتك ندهني او مو حلم
وفزيت من نومي
وگلت..
مو صدگ لايمكن صدگ!!

والروح وي صوتك مشت
وناديت
والخطوه ابعدت..
والصوت وي مشي الجدم
*من ينلحگ.. ما ينلحگ ..
وعالأثر نمشي اعله الأثر..
والشوگ سابگنه سبگ
والگلب لم روحه واجه..
ودگاته احسهه بلا وعي..
مو مثل يوميه يـــدگ !!
* * * *

ويم بابك وياحيرتي .... مدري اشندهني وجابني؟!!
وحتى نسيت اشلون
عالباب من ادگ؟!
* * * *
ظنيت ما اشوفك بعد
من شفت ضويات الدرب
يطفونهه شما تعتلگ
* * * *
ومن شفت شتلات الفرح.. مات الفرح
ومثلمه
والحزن صار اسنين ياكل بالعــــــــرگ
****
ورادوني مااشوفك ابد.. ضمو تصاويرك علي
واعلنو لازم نفـــترگ
* * * *

وشالوك حتى من الحلم!!
وحلمك يجيني بلا صور
وبـلا خلـــگ
****
ولمن افز.. يبجي الحلم..
واثنينه اعله الروس نتگابل ندگ
ورادوني مااشوفك ابد.. والعين مثل ام الولد..
وانته الولد
لمن اجت ..ماشافتك ..الجفن صار الزيج
گامت بيه تشگ

وياحال من بعدك عشت.. غصن وخذوني من الشجر
وذبوني يم نار الهجر..
واليوم باجر احترگ!!
* * * *


وعشت بطرگ
روحي وسوادين العشگ
واسأل عليك وتيهت… واسأل منو ..
وبيمن اثق؟!!
* * * *
وانسدن بوجهي احس كل الطرق..
والگه الأسأله وكيفت
والگاهن الجلمات ويضيع الحلـگ
* * * *
وخلني اسولفلك بعد.. ياواهسي وغيرك منو؟
والروح اجت مسودنه..
واشبگهه وي روحك شبگ
* * * *
لاتبچي اطيح ويه الدمع ..والروح اسويها نفس
ومناشغ اشهگني شهگ
* * * *
وبريتك يا ريتي ولمن اصيرلك نفس
لاخنگك ولا
اختنـــگ…!!
الرجوع الى أعلى الصفحة اذهب الى الأسفل
 
صوتك ندهني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الرافدين الجامعة :: منتدى بحور الشعر :: منتدى الشعر الشعبي العراقي-
انتقل الى: